Սլովակիայի վարչապետ Ռոբերտ Ֆիցոն հայտարարել է, որ Հայաստանի և Ադրբեջանի միջև խաղաղ կարգավորումը կարող է դառնալ հզոր դրական ազդանշան ամբողջ Եվրոպայի համար։ Նրա խոսքով՝ հարավկովկասյան տարածաշրջանում կայունությունն ու անվտանգությունը կարևոր դեր ունեն եվրոպական ընդհանուր անվտանգության համակարգում։

«Եթե Հայաստանն ու Ադրբեջանը կարողանան հասնել համապարփակ և երկարաժամկետ խաղաղության, դա կլինի մի հստակ ուղերձ ամբողջ աշխարհին՝ այն մասին, որ դիվանագիտական ճանապարհով հնարավոր է հաղթահարել անգամ ամենադժվար հակամարտությունները», – նշել է Ֆիցոն։

Նա ընդգծել է նաև միջազգային հանրության՝ հատկապես Եվրամիության, աջակցությունը խաղաղ գործընթացին և վստահություն հայտնել, որ այդ աջակցությունը կշարունակվի՝ միտված տարածաշրջանում կայունություն հաստատելուն։