Kali Linux – Ոչ միայն հաքերների գործիք, այլև հզոր հարթակ կիբեռանվտանգության համար

Ի՞նչ է Kali Linux-ը

Kali Linux-ը Debian-ի վրա հիմնված օպերացիոն համակարգ է, որը ստեղծվել է էթիկ հաքերների, անվտանգության մասնագետների ու penetration tester-ների համար։ Այն ապահովում է ավելի քան 600 նախապես տեղադրված գործիք, որոնք նախատեսված են անվտանգության թեստավորման, վերլուծության և ցանցային աուդիտի համար։

Ստեղծվել է Offensive Security թիմի կողմից, և դրա առաքելությունը պարզ է՝ ապահովել ազատ և բաց հարթակ՝ պաշտպանական նպատակներով։

 

Ինչու է այն այդքան հզոր

Նախապես տեղադրված գործիքներ՝ Nmap, Wireshark, Burp Suite, Metasploit Framework և այլք։

Live Boot կամ VirtualBox/VMware աջակցություն՝ կարող ես աշխատեցնել առանց համակարգը տեղադրելու։

Rolling Release՝ միշտ թարմացված գործիքակազմ։

Custom Kernel՝ հատուկ կազմաձևված անվտանգության նպատակներով։

Ու՞մ համար է այս համակարգը

Էթիկ հաքերների

Կիբեռանվտանգության ուսանողների

Անվտանգության մասնագետների, ով ուզում է հանել թերությունները՝ նախքան թշնամիները կհասնեն։

Իսկ երբեմն էլ… հետաքրքրասեր գիքերի 

 Բայց ուշադրություն

Kali-ն հասարակ օգտագործողի համար չէ։ Այն չպետք է օգտագործվի որպես հիմնական աշխատանքային համակարգ, եթե չես զբաղվում անվտանգությամբ կամ պենետրեյշն թեստինգով։ Սխալ կիրառման դեպքում կարող ես վնասել այլ համակարգեր կամ ինքդ քո սարքը։

Ինչպե՞ս սկսել

Գնա https://kali.org

Ներբեռնի ISO ֆայլը կամ WSL տարբերակը (Windows-ի համար)

Սովորիր՝ Kali Docs, TryHackMe, Hack The Box